2 Minuten lesen
Íslenska kvennalandsliðið í knattspyrnu vann góðan 3:1-endurkomusigur á Póllandi þegar liðin mættust í vináttulandsleik ytra í dag.
Ewa Pajor kom Póllandi yfir undir lok fyrri hálfleiks með skoti af stuttu færi en eftir sjö mínútna leik í síðari hálfleik jafnaði Berglind Björg Þorvaldsdóttir metin, einnig með skoti af stuttu færi.
Aðeins tveimur mínútum síðar skoraði Sveindís Jane Jónsdóttir laglegt mark með föstu vinstrifótar skoti upp í þaknetið eftir að hafa farið auðveldlega framhjá varnarmanni Póllands.
Sex mínútum fyrir leikslok rak Agla María Albertsdóttir smiðshöggið með glæsilegu vinstrifótar skoti rétt fyrir utan D-bogann sem hafnaði niðri í bláhorninu.
RÚV hefur birt öll fjögur mörk leiksins í dag og má sjá þau hér:
Mörkin úr 3-1 sigri Íslands en mörk Íslands gerðu Berglind Björg Þorvaldsdóttir, Sveindís Jane Jónsdóttir og Agla María Albertsdóttir í síðari hálfleik 🇮🇸 pic.twitter.com/Jf7Kc3bIUL
— RÚV Íþróttir (@ruvithrottir) June 29, 2022
